செல்லமே - 2

நட்சத்திரங்கள் சிரிக்கும் 

நடுநிசி நேரம்

அமைதியை நாடும் மனம்

ஆழ்ந்த உறக்கத்தில்

முகத்தை வருடின

பிஞ்சு விரல்கள்.

இது கனவா? 

இல்லை நினைவா?

விழித்துப் பார்த்தான்.

அழகாய் சிரித்தன

இரு நட்சத்திரங்கள்!!

*

குறும்பாய் சிரிக்கும் டொனால்டு டக்கும்

குறுகுறுவெனப் பார்க்கும் மிக்கி மவுசும்

தரையில் ஊரும் ரயில் வண்டியும்

காற்றில் அசையும் திரைச் சீலையும்

உயிரற்ற பூனையும் குரங்கும்

உயிருள்ள தாகிறதே

கண்ணே,

நீ அவற்றுடன் பேசும் பொழுது!!

*

நீரிலிருந்து மேலெழும் மீன்கள்

காற்றில் குதிக்கும் மான்கள்

இலையில் வடியும் பனித்துளி

நிலத்தில் பட்டுத் தெறிக்கும் நீர்த்துளியென

இயற்கை அதிசயங்களை

நிழற்பட மெடுக்க முடியும்.

படமாக்க முடியாதது

கண்ணே, உன்

சிணுங்கலாய் மாறும் சிரிப்பும்

சிரிப்பாய் மாறும் சிணுங்கலும் தான்!!

*