பச்சையா பேசலாமா? (இது கிரீன்-டாக் மச்சி ) - 1

இன்றைய தேதியில் நம் மத்தியில் அதிகமாக விவாதிக்கும் விடயங்களில் இயற்கைக்கும் சுற்றுப்புறச் சூழலிற்கும் ஒரு இடம் இருக்கத்தான் செய்கிறது. அதைப் பற்றித் தான் இங்கே பேசப்போகிறோம்!

நீங்க ஆப்பிள் வாங்க கடைக்குப் போறீங்க! கடையில சீன ஆப்பிள், அமெரிக்க ஆப்பிள், காஷ்மீர் ஆப்பிள் என மூனு வகையான ஆப்பிள் விற்கப்படுகிறது. நீங்க எதை வாங்குவீங்க?

விலை அதிமாக இருந்தாலும் அமெரிக்க ஆப்பிள் தான் வாங்குவேன்னு நீங்க சொனீங்கன்னா.. உங்களுக்கு அடுத்த கேள்வி?ஏன்?

உங்க அண்ணன் அமெரிக்கால இருக்கறதாலயா? அல்லது அமெரிக்க ஆப்பிள் பளபளன்னு இருக்கறதாலயா? அல்லது அமெரிக்க ஆப்பிளுக்கு கூடுதல் சுவையா?

உங்களுக்கு அடுத்த கேள்வி.

எந்த ஆப்பிளை வாங்குவதால் நாம் இயற்கைக்கு நன்மை செய்கிறோம்? மூன்று வகையான பதில்கள் கீழே..

கண்டிப்பா அமெரிக்க ஆப்பிள் தான்! ஏன்னா அங்கே தான், ஆப்பிள் இயற்கையான முறையில் சாகுபடி செய்யப்படுகிறது!

சீன ஆப்பிள் தான்! ஏன்னா அங்வே தான், பெருமளவில் வளர்க்கிறாங்க. சத்தும் அதிகமா இருக்கிறது!

காஷ்மீர் ஆப்பிள் தான்! ஏன்னா காஷ்மீர் தான் நம்ம ஊருக்குப் பக்கம் இருக்கிறது. அனைத்து இந்திய நகரத்திற்கும் கொண்டுபோக குறைந்த போக்குவரத்துச் செலவும் நேரமும் தேவைப்படுகிறது!

இதுல எதுங்க சரியான பதில்?

மூன்றாவது பதில் தாங்க சரியானது.

காஷ்மீரைக் காட்டிலும் அமெரிக்காவிலிருந்தோ, சீனாவிலிருந்தோ இந்திய நகரங்களுக்கு ஆப்பிள்களைக் கொண்டு வர அதிக எரிபொருள் செலவாகிறது. அது கடல்வழியாகவோ, வான்வழியாகவோ இருந்தாலும் இயற்கைக்கு மிகவும் தீங்கானதே!

இதனை உணவு தூரம் (FOOD MILES ) என்று குறிப்பிடுகிறார்கள். ஒரு பொருள் விலையும் இடத்திலிருந்து விற்கும் இடத்திற்கு கொண்டு சேர்க்க எவ்வளவு தூரம் பயனிக்க வேண்டும், எவ்வளவு எரிபொருள் செலவாகும் என்று கணிப்பது தான் இந்த உணவு தூரக் கணக்கு! மேலும், நாம் உட்கொள்ளும் உணவு விலைநிலத்தில் இருந்து நம் வீட்டிற்கு வரும் வரை கெடாமல் இருக்க குளிர்சாதன வசதிகளும் தேவைப்படும்.

இப்படி உணவுவகைகளைப் பதப்படுத்துவதிலும், போக்குவரத்திலும் வெளியேறும் வாயுக்கள் புவியை மேலும் சூடாக்குகின்றன.

ஆக முடிந்த வரை உள்நாட்டுப் பொருட்களையோ அருகாமையில் விளையும் பொருட்களை வாங்குவது கண்டிப்பாக இயற்கைக்கு நன்றிக்கடன் செய்வதாக இருக்கும்.

அதை விடுத்து விலை அதிகமா இருக்கற வெளிநாட்டு ஆப்பிள் தான் தரமானது என்று நினைப்பது சரியா?

என் ஒருவனின் முடிவு இயற்கைக்கு பயனளிக்குமா என்று நினைக்க வேண்டாம். சிறுதுளிகள் தானே பெருவெள்ளம் ஆகிறது!

பச்சைப் பேச்சு தொடரும்....

உங்களுக்கு இந்தப் பதிவு பிடித்திருந்தால் மறக்காமல் வாக்களிக்கவும்...